Prank túsirip, túrmege túsýińiz múmkin — zańger eskertedi
ASTANA. KAZINFORM — Elimizde jyl basynan beri prank jasaǵany úshin 24 adam jaýapkershilikke tartylǵan. Mundaı kontent túsirer aldynda neni bilý kerek? Jibek Joly telearnasynyń «Búgin LIVE» baǵdarlamasyna qonaq bolǵan zańger Abzal Bekbosynov osy suraqqa jaýap berdi.
— Zańymyzda «prank» degen uǵym joq. Biraq pranktyń sıpatyna, ondaǵy áreketterge jáne onyń saldaryna qaraı tıisti adam jaýapkershilikke tartylady. Birinshi — ákimshilik jaýapkershilik kózdelgen. Ol adamǵa QR ÁQBtK 434-babyna sáıkes aıyppul salynyp, 10 táýlikke deıin ákimshilik qamaqqa alynady. Bul — usaq buzaqylyqqa jatady. Sonymen qatar, qylmystyq jaýapkershilikke de tartylýy múmkin. ıAǵnı pranktyń saldarynan adamnyń densaýlyǵyna zııan kelse, psıhıkalyq turǵydan zardap shekse, múlkine zaqym tıse, tipti keı prankterdegideı zańsyz bas bostandyǵynan aıyrsa, bul — qylmystyq jaýapkershilik. Munyń saldary bas bostandyǵynan aıyrýǵa da alyp kelýi múmkin, — deıdi stýdııa qonaǵy.
Maman japa shekken adamdardyń da quqyǵyn túsindirdi.
— QR Azamattyq kodeksiniń 149-babynda naqty kózdelgendeı, beınetaspaǵa ruqsatsyz túsirip, ony jarııa etse, ol adam jaza arqalaıdy. Jáne QR Qylmystyq kodeksinde «Jeke basqa qol suǵý» degen bap bar. Ol boıynsha, eger adamdy ruqsatsyz beınetaspaǵa túsirip, ony jarııa etse, bul — qylmys. Mundaı jaǵdaıda bas bostandyǵynan aıyrylýy múmkin. Al zardap shekken adam sot arqyly beınetaspany óshirýdi talap ete alady. Oǵan qosa, keltirilgen moraldyq jáne materıaldyq shyǵyndy óndirý úshin aryzdanyp, quqyǵyn qorǵaı alady, — deıdi ol.
Abzal Bekbosynov prankty zań aıasynda túsirý úshin neni eskerý kerektigin de aıtyp berdi.
— Jasalǵan prank bireýge zııan tıgizbeýi kerek. Adamnyń namysyna tıip, onyń quqyǵy taptalmaýy, densaýlyǵyna eshqandaı zaqym kelmeýi, psıhologııalyq jáne moraldyq turǵyda japa shekpeýi qajet. Saýatty prank túsirilgen kúnniń ózinde avtor ony jarııalamas buryn keıipkerden ruqsat suraýy kerek, — deıdi zańger.
Aıta keteıik, ótken aıda Qazaqstandyq blogerdiń aspan asty elinde túsirgen birqatar «prank test» vıdeosy qytaılyqtardyń ashýyn týdyrǵan edi.
Keıinnen Almaty polıtsııasy Arýjan Aıbekovamen jaǵdaıǵa qatysty profılaktıkalyq áńgime júrgizdi.