Praganyń ortalyǵynda Qazaqstan Táýelsizdiginiń mereıtoıy erekshe atalyp ótti

PRAGA. QazAqparat - 7 tamyzy Qazaqstannyń Respýblıkasynyń Chehııadaǵy Elshiliginiń, «Qazaqstannyń Dostar Klýbynyń» árekettesýimen Vltavanyń boıyndaǵy «Praga» kemesinde Qazaqstan Respýblıkasy Táýelsizdiginiń 30 jyldyǵyna arnalǵan serýen uıymdastyryldy, dep habarlaıdy QazAqparat elshiliktiń baspasóz qyzmetine silteme jasap.

Shaqyrylǵan qonaqtardyń arasynda árister, Cheh Respýblıkasynyń BAQ ókilderi jáne qazaq stýdentteri qatysty.

Qazaqstandyq dıplomattar óz sózderinde qonaqtarǵa elimizdiń Táýelsizdik jyldaryndaǵy saıası jáne áleýmettik-ekonomıkalyq damýynyń negizgi jetistikteri týraly, sondaı-aq azamattardyń memleketke degen senimin arttyrýǵa baǵyttalǵan reformalar týraly egjeı-tegjeıli aıtyp berdi.

Kemeniń arnaıy merekelik bezendirilgen palýbasynda qonaqtardy ulttyq kıim kıgen qazaqstandyq stýdentter qarsy aldy. Іs-sharany uıymdastyrýshylar Qazaqstannyń Táýelsizdik jyldaryndaǵy jetistikterine arnalǵan túrli-tústi bezendirilgen ekspozıtsııalardy jáne sonymen baılanysty shaǵyn kórmeni usyndy.

Elimizdiń stýdentteri ulttyq áýenderdi dombyrada oryndap, mýzykalyq kontsert qoıyp berdi.