Pragadaǵy MMA boıynsha álem chempıonatynda Qazaqstan quramasy 6 medalǵa ıe boldy
ASTANA. QazAqparat - MMA boıynsha Qazaqstan quramasy Pragadaǵy aralas jekpe-jek boıynsha álem chempıonatynda jalpykomandalyq ekinshi orynǵa ıe boldy, dep habarlady QR MMA baspasóz qyzmetinen.
«28 qarashada Pragada ótken fınaldyq jekpe-jekterdiń qorytyndysy boıynsha Sergeı Morozov (61,2 kg deıingi salmaq dárejesinde), Jalǵasuly Jumageldi (65,8 kg), Shavkat Rahmonov (77,1 kg), Dáýren Ermekov (84 kg) jáne Mohmad Sýlımanov (+93 kg) kúmis medaldarǵa ıe boldy. Rashıd Dagaev (70,3 kg deıingi salmaq dárejesinde) álem chempıonatynyń qola júldegeri atandy», -delingen habarlamada.
Osylaısha, Qazaqstan Respýblıkasynyń quramasy jalpykomandalyq ekinshi orynǵa qol jetkizdi. Birinshi orynnan Reseı, úshinshi orynnan Ázerbaıjan komandasy kórindi.
