Pragadaǵy restoran, páter, Dýbaıdaǵy vılla: Nurlan Tileýbaevtyń taǵy biraz múlki buǵattaldy

Qarjylyq monıtorıng agenttigi «Delta Bank» AQ isine qatysty tergeýdi jalǵastyryp jatyr, dep habarlaıdy Kazinform.

2012-2017 jyldar aralyǵynda Nurlan Tileýbaev qaıtarylmaıtyn nesıe berý arqyly bankten qarajat alyp shyǵarǵan.

Tergeý barysynda N.Tileýbaev pen onyń týystaryna tıesili múlik anyqtalyp, oǵan tyıym salý jóninde sanktsııa berildi.

Onyń ishinde Chehııanyń Praga qalasynda ornalasqan elıtalyq meıramhana, tórt bólmeli páter jáne 3 kompanııadaǵy 100% aktsııalary, sondaı-aq BAÁ-degi quny shamamen $5 mln bolatyn Palm Jumeirah ornalasqan vılla bar.

Sonymen qatar, Latvııamen yntymaqtastyq aıasynda halyqaralyq tergeý kepildigin jiberý arqyly Latvııada ornalasqan «Ventspıls astyq termınalynyń» 100% úlesin qamaýǵa alý sanktsııalandy. 

Bul rette N.Tileýbaevqa tıesili 5 qant zaýyty men 58 nysan Problemalyq nesıe qoryna berildi.

Sot úkimimen N.Tileýbaev 10 jylǵa bas bostandyǵynan aıyrylǵan. 

Qazirgi ýaqytta N.Tleýbaevtyń jáne onyń kompanııalarynyń zańsyz qyzmetiniń qurbandary - «QazInvestBank» AQ, «Qazaqstannyń Damý Banki» AQ jáne «BJZQ» AQ. 

Qarjylyq monıtorıng agenttigi aktıvterdi izdeý jáne qaıtarý boıynsha jumysty jalǵastyryp jatyr.