Pragada myńdaǵan adam el prezıdentiniń otstavkaǵa ketýin talap etti
ASTANA. QazAqparat - Myńdaǵan adam Pragada Chehııa Respýblıkasynyń prezıdenti Mılosh Zemannyń otstavkaǵa ketýin talap etip sherýge shyqty.
«Prezıdent bizdiń arqamyzda el bıligin qolǵa aldy. Alaıda, bizdiń pikirimizshe, ol óz mindetin sáıkesinshe oryndap jatqan joq», - dedi aktsııa uıymdastyrýshysy Martın Prshıkryl.
Praga polıtsııasynyń ókili habarlaǵandaı, sherýde japa shekkender bolmady. Praganyń Klarov aýdanynda Mılosh Zemandy jaqtaýshylar da sherý ótkizdi. Bul shara 60 adamnyń basyn qosty.
Mılosh Zemanǵa qarsy taǵy bir aktsııa Chehııada aýmaǵy boıynsha ekinshi oryndaǵy Brno qalasynda ótti. Oǵan 500-den astam adam qatysty.
Mılosh Zemannyń otstavkaǵa ketýin talap etý naýqany 2 qarashada chehııalyq radıoǵa bergen suhbatta prezıdent Chehııada bylapyt sóz dep esepteletin birneshe sózdi qoldanǵannan keıin bastalǵan.
