Pragada avtobýs ózenge qulady, qaza tapqandar bar
ASTANA. 18 sáýir. QazAqparat - Chehııa astanasynda qalalyq avtobýs dúısenbi kúni kúndiz ózen jaǵalaýyndaǵy qorshaýdy buzyp, ózenge qulaǵan. Oqıǵa saldarynan avtobýs júrgizýshisi qaza taýyp, 14 jolaýshy jaralandy,
dep habarlaıdy Chehııanyń ChTK aqparat agenttigine silteme jasaı otyryp RIA Jańalyqtar agenttigi.
Oqıǵa PraganyńZlıchın aýdandynda bolǵan.
Qalalyq avtobýs jolaýshylardy Praganyń ortalyǵyndaǵy "Globýs" iri saýda ortalyǵyna jetkizýi kerek edi.
«Avtobýs qorshaýdy buzyp, sýǵa qulap bara jatqanda aýdarylǵan. Júrgizýshi sol jerde qaza tapty, 14 adam jaralanǵan, onyń ishinde eki adam aýyr halde», - deıdi Praga qutqarý qyzmetiniń baspasóz hatshysy Iırjına Ernestova.
Oqıǵa ornynda jedel járdem qyzmeti, qutqarýshylar, arnaıy kran men medıtsınalyq tikushaq jumys isteýde. Jaralanǵan adamdar jaqyn jerdegi aýrýhanalarǵa jedel túrde jetkizilip jatyr.
Polıtsııa bolǵan oqıǵanyń sebebin anyqtaýda.
