Praga áýejaıyndaǵy tótenshe oqıǵa: eki jolaýshy áýe laıneri soqtyǵysty
ASTANA. Maýsymnyń 18-i. QazAqparat - Praganyń halyqaralyq áýejaıynda ushaqtardyń ushýǵa daıyndyǵy kezinde tótenshe oqıǵa oryn aldy. Bul týraly RBK habarlaıdy.
Praga áýejaıynda 2 áýe laıneri soqtyǵysty, olar: Lufthansa áýe kompanııasyna tıesili Airbus A321 men túriktiń Sun Express áýe kompanııasynyń Boeing 737-800 ushaqtary.
Oqıǵa saldarynan eshkim zardap shekken joq.
Qazirgi ýaqytta kishigirim ǵana búlingen ushaqtar jóndeýge jiberildi. Chehııanyń avıatsııa basshylary oryn alǵan oqıǵanyń jaı-japsaryn anyqtaý ústinde. Praga halyqaralyq áýejaıy qazir qalypty rejımde jumys atqarýda.
