Prado murajaıy kartınalarynyń sıpattamasyn ózgertedi
Prado murajaıy barynsha ınklıýzıvti bolý úshin shedevr týyndylarynyń sıpattamasyn ózgertedi. Onda kelýshilerdiń janyn jaralaıtyn keıbir termınder men sózder alynyp tastaldy. Bul týraly Euronews habarlaıdy.
Madrıdtegi Prado ulttyq murajaıy — Eýropadaǵy eń úlken jáne mańyzdy beıneleý óneri murajaılarynyń biri. Óner ortalyǵy ınklıýzıvti bolý úshin óz kartınalarynyń sıpattamasyn ózgertedi. Onda kelýshilerdi muqatýy múmkin sózder alynyp tastalady. Murajaı qyzmetkerleri zamanǵa beıimdelip, barlyq adamdardy qurmetteý kerek, dep esepteıdi.
«Máselen keneptegi myna kartınanyń túsindirmesinde «Izabel Klara Evgenııa ergejeıli Magdalena Rýıspen birge» dep jazylǵan.Biz onyń boıy qysqa ekenin onsyz da kórip turmyz. Ondaǵy adamnyń ergejeı ekenin qaıtalap jazýdyń qajeti joq dep esepteımin»,- dedi Prado murajaıynyń úılestirýshisi Vıktor Kageao.
