Poıyzǵa minetin kezde elektrondy jeke kýálikti paıdalanýǵa bolady - QTJ

NUR-SULTAN. QazAqparat - «Jolaýshylar tasymaly» AQ jeltoqsannan bastap elektrondy jeke kýálikpen vagonǵa otyrǵyzý jobasyn júzege asyryp jatyr. Bul - jolaýshynyń vagonǵa otyrǵandyǵy faktisin tirkeıtin, jolaýshynyń mártebesin tekserýdiń balamaly nusqasy, dep habarlaıdy QazAqparat.

Ol úshin jolaýshy Mobıldi azamattar bazasynda tirkelýi jáne uıaly telefonynda eGov mobile elektrondyq úkimet qosymshasy bolýy tıis.

Vagonǵa otyrǵyzý kezinde jolserik «Jolseriktiń mobıldik termınaly» arqyly E-jeke kýálikti skanerleý arqyly jolaýshynyń mártebesin tekseredi.

Jolaýshynyń uıaly qurylǵysyndaǵy eGov mobile qosymshasynan QR-kodyn sátti aıqyndaǵannan jáne JMT mártebesi maquldanǵannan keıin jolaýshynyń vagonǵa kirýine jáne bılette kórsetilgen óz ornyna baryp jaıǵasýyna bolady.

Atalǵan joba Qazaqstan Respýblıkasynyń Premer-Mınıstri A. Mamınniń, «Samuryq-Qazyna» UÁQ» AQ Basqarma Tóraǵasy A.Esimovtyń jáne Qazaqstan Respýblıkasy tsıfrlyq damý, ınnovatsııalar jáne aeroǵarysh ónerkásibi mınıstri B. Mýsınniń qatysýymen ótken Digital Samruk 2020 konferentsııasynda kórsetildi.

- Bizdiń maqsatymyz – tsıfrlandyrýdy sheshý arqyly árbir qazaqstandyqtyń ómirin barynsha jeńildetý jáne jaqsartý. Bizdiń árbirimiz bir ret bolsa da qujatymyzdy úıimizde umytyp jatamyz. Buryn poıyzǵa otyrý kezinde jeke kýáligik kerek edi, al qazir ózinde smartfon men qoljetimdi Egov qosymshasy bolsa jetkilikti, - dedi tsıfrlyq damý mınıstri Baǵdat Mýsın.

E-jeke kýáligin paıdalaný kezinde jolaýshylar neni bilýi tıis:

- E-jeke kýáliginde myna málimetter bolady: foto, TAJ, týǵan jeri men datalary, qujattyń jaramdylyq merzimi, JSN.

- E-jeke kýálik tek Qazaqstan Respýblıkasy aýmaǵynda ǵana jumys isteıdi. Halyqaralyq jáne shekaramańy marshrýttaryna otyrý kezinde E-jeke kýálik qabyldanbaıdy.

- E-jeke kýáliktiń jaramdylyq merzimi - týra qaǵazdaǵydaı. Eger qaǵazdaǵynyń merzimi aıaqtalsa, onda tsıfrlyqtyń da merzimi bitedi. Sondyqtan vagonǵa otyrǵyzý kezinde túsinbeýshilikter týyndamaýy úshin óz qujatyńyzdyń jaramdylyq merzimin tekserip alǵanyńyz jón.

- E-jeke kýálikte biregeı QR-kody ornalastyrylǵan, skanerlep onyń túpnusqalyǵyn tekserýge bolady. Jeke málimetterdi qorǵaý maqsatynda úshinshi tulǵalardyń QR-kodqa kirýine ýaqyt boıynsha shekteý qoıylǵan.

- E-jeke kýálik Qazaqstan Respýblıkasy azamatynyń túpnusqalyq jeke kýáligin tolyq almastyra almaıdy. Sondyqtan da jolaýshy júrgen jolynda ózimen qujattyń túpnusqasyn ala júrgeni durys.

- Bul rette bıletti qaıtarý kezinde jolaýshynyń jeke kýáliginiń túpnusqasyn usyný suralady.

- Eger sizdiń telefonyńyzdyń qýaty bitip qalsa, ınternet-trafıgińizbitse nemese uıaly telefonyńyz jelige qosylmaı qalsa, E-jeke kýálik qoljetimsiz bolatyndyǵyn qaperde ustaǵan jón.