Poıyzǵa bıletti avtomattan satyp alǵanda komıssııa ustamaıdy - QTJ

NUR-SULTAN. QazAqparat - 9 qarasha men 31 jeltoqsan aralyǵynda avtomat arqyly temir jol bıletin komıssııasyz rásimdeý aktsııasy iske qosyldy, dep habarlaıdy QazAqparat.

Búginde temirjol bıletterin «Jolaýshylar tasymaly» AQ 165 bılet kassasynan, shamamen 3 myńdaı agenttik kassalarynan, sonyń ishinde Amadeýs saýda oryndary men poshta bólimshelerinen, «QTJ» UK» AQ bilet.railways.kz saıtynan, sondaı-aq «QTJ bıleti» mobıldi qosymshasyn qosqanda 15 ınternet saıttan satyp alýǵa bolady.

Budan basqa, temirjol bıletterin vokzal aýmaǵynda jáne odan tys ornatylǵan shamamen 30 myńdaı ózine-ózi qyzmet kórsetý avtomattarynan («Kassa-24» ı «QIWI») satyp alýǵa múmkindik bar. Internet jáne ózine-ózi qyzmet kórsetý avtomattary arqyly temirjol bıletterin onlaın satý úlesi turaqty ósim tendentsııasymen 47% quraıdy.

«Temirjol bıletin satý júıesin jetildirý sheńberinde birneshe jańashyldyqtar bar ekenin qaperge salamyz. Mysaly, múgedektigi bar tulǵalar bilet.railways.kz saıty arqyly temirjol bıletin jeńildikpen satyp ala alady. Sonymen qatar, bilet.railways.kz saıty «Kaspı bank» AQ protsessıngimen tolyqtyryldy jáne de buryndary bılet kassalarynan POS-termınal arqyly tólenip qoıǵan temirjol bıletin qaıtarý kezinde jolaýshy kartasyna aqshany avtomatty túrde qaıtarý fýnktsııasy júzege asyryldy» delingen habarlamada.

Sondaı-aq Touch ID jáne Pin-kod – saýsaq izi kómegimen «QTJ bıleti» mobıldi qosymshasy qoldanýshylaryn aýtentıfıkatsııalaý fýnktsııasy iske qosyldy.

Ótken jyldan beri bılet bolmaǵan kezde tirkelýge jáne kezek tártibimen bılet satyp alýǵa múmkindik beretin elektrondyq «Kútý paraqshasy» fýnktsııasy jumys istep tur.

«QTJ» UK» AQ temirjol bıletterin satyp alý úshin onlaın júıeni paıdalanýǵa keńes beredi.