Poıyzdyń ústimen bıletsiz jetip qalmaq bolǵan kókshetaýlyq jansaqtaý bólimine tústi
ASTANA. QazAqparat - Kókshetaý turǵyny bıletke aqsha jumsamaı Astanaǵa eltektrovozdyń ústinde jetip qalmaq bolǵan áreketi sátsiz aıaqtaldy, ol aýyr kúıde jansaqtaý bólimine tústi, dep habarlaıdy QazAqparat KTK telearnasyna silteme jasap.
25 jastaǵy jigitke Astana jedel jetý kerek bolǵanymen, jolyna aqsha taba almaǵan. Ol bıletsiz jetýdi oılaǵan. Sol úshin poıyzdyń ústine shyǵyp alǵan, alaıda alysqa barmady. Kókshetaý stansasynda ony 29 myń volt toq soqqan. Denesiniń 45 paıyzyn kúıik shalǵan jigitti aýrýhanaǵa jetkizdi.
Dárigerler onyń jaǵdaıy óte aýyr dep otyr.
«Jaǵdaıyna baılanysty jigit jansaqtaý bóliminde jatyr. Onyń hali aýyr dep baǵalanýda, ary qaraı dınamıkasyn baqylaýda ustaımyz», - deıdi Aqmola oblystyq aýrýhanasynyń travmatolog dárigeri Eldos Qaıyrjanov.
