Poıyzdarda áıelderge arnalǵan kýpeler bolady
ASTANA. QazAqparat - Qazaqstanda poıyz bıletterin satyp alǵanda tek áıelder otyratyn kýpeni tańdaý qyzmeti engiziledi. QR Investıtsııalar jáne damý mınıstrligi arnaıy zań jobasyn ázirlep jatyr, dep xabarlaıdy QazAqparat tilshisi.
Kólik komıtetiniń tóraǵasy Áset Asavbaevtyń aıtýynsha, shetelde ondaı qyzmet bar. Al óz elimizde ony engizý úshin ortaq júıeniń fýnktsıonalyn retke keltirý kerek.
«Negizi, shetelde áıelder úshin arnaıy kýpeler bar. Qazirgi kezde biz tıisti zań jobasynyń tujyrymdamasyn ázirlep jatyrmyz. Sonyń aıasynda bılet satýdyń jańa qyzmeti iske qosylady. Oǵan sáıkes, áıelder tek áıelder otyratyn kýpeni tańdaı alady. Sóıtip, áıelder ózderi bir kýpege otyra alady. Bılet satylǵanda sondaı fýnktsııa bolady. Dál qazir biz osy máseleni «Qazaqstan temir joly» ulttyq kompanııasymen birge pysyqtap jatyrmyz», - dedi Á.Asavbaev Parlament Májilisinde.
Onyń aıtýynsha, kýpelerdiń bári birdeı bolady. Ondaıda tek áıelder otyrǵan kýpeni ǵana tańdaý quqyǵy bolady. Erkekter de toptasyp júre alady.
«Vagondardy eshkim bólmeıdi. Bári birdeı bolady. Árıne, jańa qyzmetti engizý úshin aldymen ortaq bir júıeni jasap alý qajet. Bıyl sony bitiretin shyǵarmyz. Al kelesi jyldan bastap jańa qyzmet iske qosylady», - dep atap kórsetti A.Asavbaev jýrnalısterge bergen suxbatynda.
Aıta keteıik, Parlament Májilisiniń depýtattary kólik máseleleri boıynsha keıbir zańnamalyq ózgeristerdi talqylaýǵa kiristi. Sonyń ishinde respýblıkalyq joldarda kólik quraldaryn jappaı toqtatý tájirıbesine tyıym salý máselesi de bar.
Budan bólek, Uber, InDriver men ıAndeks Taksı sııaqty mobıldi qosymshalar boıynsha adam tasıtyn kólik júrgizýshilerin zańdastyrý sharalary qolǵa alynady.
