Poıyzdar jyl basynan 36 ret shuǵyl túrde toqtaǵan - QR ІІM
«Jyl bastalǵaly kóliktegi polıtsııa departamentinde poıyzdy shuǵyl tejeýdiń 36 faktisi tirkeldi. Onyń ishinde adamǵa qatysty – 7 fakti, úı janýarlaryna qatysty – 26 jáne stop-krandy basýdyń 1 faktisi tirkeldi. Sondaı-aq vagondardyń relsten shyǵyp ketýimen baılanysty – 1, temirjol boıynda bógde zattyń bolýyna qatysty 1 jaǵdaı boldy. Qabyldanyp jatqan sharalarǵa qaramastan jyl saıyn temirjol men onyń mańynda adamdar jaraqat alyp, qaza bolý oqıǵalary tirkelip jatady», - dedi Іshki ister mınıstrliginiń ókili Shuǵyla Turlybek vedomstvoda ótken baspasóz máslıhatynda.
Onyń aıtýynsha, temirjol boıynda apatty jaǵdaılardyń jıileýi qaýipsizdik erejelerin saqtamaýmen baılanysty.
«Máselen, 5 qańtarda Qyzylorda oblysynyń Shornaq – Túrkistan aralyǵynda júk poıyzynyń mashınısi belgilenbegen jerden ótpen bolǵan jolaýshyny qaǵyp ketti. Er adam aýdandyq aýrýhanaǵa jetkizilgenimen, alǵan jaraqatynan kóz jumdy», - deıdi ol.
Atalǵan fakti boıynsha Qylmystyq kodekstiń «Temirjol qozǵalysy qaýipsizdiginiń erejelerin buzý, abaısyzda adam ólimine ákep soqtyrý» baby boıynsha sotqa deıingi tergeý bastaldy.
