Poıyzdan qulap ketip, túsip qalǵan jolaýshy onyń artynan 7 shaqyrym júgirgen
ASTANA. 19 qańtar. QazAqparat - Máskeý-Nerıýngrı baǵyty boıynsha bet alǵan poıyzdyń qozǵalysy kezinde jolaýshylardyń biri vagonnan qulap ketti.
Bratskiniń 42 jastaǵy turǵyny qaqaǵan 40 gradýs aıazda dalada qalyp qoıǵan, biraq abyrjymaı, poıyzdyń artynan júgire jónelgen, dep habarlandy Qıyr Shyǵys federaldyq okrýgi boıynsha kólik vedomstvonyń resmı saıtynan.
Lenta. rý habarlaǵandaı, oqıǵanyń qaı kúni ári qaı jerde oryn alǵany naqtylanbaǵan. Jolaýshynyń sózine qaraǵanda, oqıǵa oryn almas birneshe mınýt buryn ol syrtqa shyǵyp temeki tartyp, keıin qaıtqan kezinde esikterdi shatastyryp alyp, jumys istemeıtin tambýrge minip ketken. Sóıtip er adam alǵa bir qadam jasap, relske qulap ketken. Onyń ústine poıyz qozǵalyp, júre bastaǵan.
Bratskiniń turǵyny poıyzdyń artynan jeti shaqyrym júgirgen. Bul «júgirýdiń» kezinde jolaýshynyń ústinde tek fýtbolka men sporttyq shalbar jáne jazǵy ashyq kıim bolǵan. Ol Rıhard Zorge stansasyna deıin jetken, mekemeniń basshysy er adamǵa qajetti kómek kórsetken.
Qazirgi ýaqytta kóliktegi ІІM bul oqıǵaǵa qatysty tekserý amaldaryn júrgizýde. Quqyq qorǵaý organdarynyń qyzmetkerleri jolaýshy kimniń kinásinen poıyzdan qulap qalǵanyn anyqtaý ústinde.
