Poıyzdan koronavırýs juqtyrǵan adam tabylsa, búkil quram karantınge jabyla ma
«Tıisti organdarmen birlesip, koronavırýspen aýyratyn naýqas tabylsa qalaı áreket etý kerektigin oılastyrdyq. Sondyqtan, ár jolserikke naqty nusqama berildi. Ol jolseriktiń kýpesinde ilinip tur. Aýrý belgileri bar adam jeke kýpege oqshaýlanady, qalǵan áreketter osy erejege sáıkes júzege asyrylady», - dedi Iorg Besver «Nurly jol» vokzalynda jýrnalısterge.
Onyń aıtýynsha, naýqas oqshaý kýpede kelesi stansaǵa deıin bolady, keıin ony jedel járdem alyp ketedi. Budan bólek, spıker búkil quram karantınge jabylmaıtynyn atap ótti.
«Vagon dezınfektsııalanady, ony ári qaraı paıdalaný úshin qajetti jumys júrgiziledi. Eger indet bir adamnan tabylsa, sol úshin búkil quramdy jabýdyń qajeti qansha? Biz poıyzdaǵy qozǵalysty shekteımiz, sondyqtan ár adam tek óz vagonynda bolady», - dep atap ótti I. Besver.
«Qoǵamdyq tamaqtanýǵa toqtala ketsek, qazir bas sanıtar dárigerdiń qaýlysymen kólikte bul qyzmetke tyıym salyndy (vagon meıramhanalary). Sondyqtan, jolaýshylarǵa berer keńesimiz – ózderińizben birge qajetti tamaqty alyp júrińizder. Sebebi, vagon meıramhanalary ázirge jumys istemeıdi», - dep túıindedi ol.
Budan buryn «Jolaýshylar tasymaly» AQ bas dırektorynyń operatsııalyq máseleler jónindegi orynbasary Iorg Besver poıyz jolaýshylarynyń bir vagonnan kelesi vagonǵa óte almaıtynyn habarlaǵan edi.