Poıyzdaǵy tazalyqty nazardan tys qaldyrǵan uıymǵa aıyppul salyndy
QARAǴANDY. QazAqparat - «Qala mańyna tasymaldaý» AQ-yna sanıtarlyq-epıdemıologııalyq talaptardy buzǵandyǵy, ıaǵnı poıyzdardaǵy tazalyqtyń saqtalmaǵany úshin eki mıllıon teńge kóleminde aıyppul salyndy, dep habarlaıdy «QazAqparat» HAA tilshisi.
Tekserý nátıjesinde «Qaraǵandy-Balqash» baǵytyndaǵy № 606 poıyzynda aýadaǵy kómirqyshqyl gazynyń shamadan tys artqandyǵy anyqtaldy. Budan ózge, sýmen jabdyqtaý júıesine dezınfektsııa júrgizilmegen jáne jalpy óndiristik baqylaý jasalmaǵan.
Osyǵan uqsas sanıtarlyq talaptardy buzý áreketteri №630 «Balqash-Jezqazaǵan», №6877 «Balqash-Moıynty» jáne №6880 «Balqash-Saıaq» baǵytyndaǵy poıyzdarda da kezdesti. Anyqtalǵan sanıtarlyq talaptardy buzý áreketterin negizge ala otyryp, Qaraǵandynyń mamandandyrylǵan ákimshilik sotyna ákimshilik materıaldar joldandy.
«Sot «Qala mańyna tasymaldaý»AQ-yn 840 aılyq eseptik kórsetkish kóleminde aıyppul tóleý túrindegi ákimshilik jaýapqa tartty», - dep habarlady sot keńsesi.
