Poıyzda tyıym salynǵan ádebıetti alyp júrgen qyrǵyz azamaty 300 myń teńge aıyppul tóleıdi

NUR-SULTAN. QazAqparat - Kólik polıtseıleri Qyrǵyzstan azamatynan tyıym salynǵan dinı ádebıetti anyqtady, dep habarlaıdy QazAqparat.

Túrksib stantsııasyndaǵy jelilik polıtsııa bóliminiń qyzmetkerleri reıd barysynda «Bishkek-Samara» poıyzynyń jolaýshysynan Qazaqstan aýmaǵynda tyıym salynǵan dinı ádebıetti saqtaý jáne tasymaldaý faktisin anyqtady.

Ádebıet Qyrǵyzstan Respýblıkasynyń 19 jastaǵy azamatynan tabyldy.

Dinı saraptama ádebıettiń Qazaqstan aýmaǵynda tyıym salynǵanyn kórsetti.

Merki aýdany mamandandyrylǵan aýdanaralyq sotynyń sheshimimen joǵaryda atalǵan azamat QR ÁQBtK 453-babynyń 4-bóligi boıynsha 100 AEK (306 300 tg) aıyppul túrinde ákimshilik jaýapkershilikke tartyldy.