Poıyzda «tyrysqaq» anyqtaldy: Atyraýda jolaýshy shuǵyl qaýipsiz jerge shyǵaryldy

NUR-SULTAN. QazAqparat - Atyraý temir jol stansasynda tyrysqaq kúdigine ilikken jolaýshyny shuǵyl qaýipsiz jerge kóshirý jattyǵýy ótti, dep habarlaıdy QazAqparat tilshisi.

«Atyraý-Mańǵystaý» poıyzynan jolaýshyny qaýipsiz jerge kóshirý»Asa qaýipti jáne karantındik ınfektsııalyq aýrýlarǵa» arnalǵan oqý-jattyǵý aıasynda júzege asyryldy. Stsenarııge sáıkes, Atyraý temirjol vokzalynda oqý-jattyǵý sharasyn ótkizý barysynda №314 «Mańǵystaý-Atyraý» poıyzyna tyrysqaq juqpaly aýrýyn juqtyrý kúdigine ilikken jolaýshynyń bar ekendigi anyqtaldy.

«Oqý-jattyǵýy barysynda karantındik aýrýlar, onyń ishinde tyrysqaq anyqtalǵan jaǵdaıda jedel aldyn alý jáne epıdemııaǵa qarsy sharalardy uıymdastyrý júzege asyryldy. Aýrýdyń taralý oshaǵyn joıý mamandarynyń, temirjol qyzmetteriniń ózara is-qımyldary tekserildi. Sonymen qatar medıtsına uıymdarynyń aýrýdy anyqtaý, aýrýhanaǵa jóneltý, kúdikti adamdardan zertteýge materıaldar alý, kúdiktimen baılanysty bolǵan adamdardy oqshaýlaý, karantındik-shekteý sharalaryn uıymdastyrýy pysyqtaldy», - delingen Atyraý oblystyq qoǵamdyq densaýlyqty qorǵaý departamenti taratqan aqparatta.

Oqý-jattyǵýǵa tartylǵan barlyq mekemeler men quzyretti organdar júktelgen mindetti tyńǵylyqty oryndap shyqty.

Avtory A. Sokolov