Poıyzda shylym shekken 79 adam aıyppul tóledi
NUR-SULTAN. QazAqparat – QR Іshki ister mınıstrliginiń kóliktegi polıtsııa departamentiniń qyzmetkerleri jyl basynan beri qoǵamdyq orynda shylym shekken 2700 qazaqstandyqqa aıyppul saldy. Bul týraly QazAqparat departamenttiń deregine silteme jasap habarlaıdy.
«Jyl basynan kóliktegi polıtsııa ókilderi quqyq buzǵan 39 793 adamdy ákimshilik jaýapkershilikke tartty. Onyń ishinde qoǵamdyq orynda temeki shekken 2719 azamat bar. Mysaly, 19 qyrkúıekte «Mańǵystaý-Aqtóbe» baǵytyndaǵy jolaýshylar poıyzynda shylym shekken 2 er adam jaýapqa tartyldy. Olarǵa qatysty QR Ákimshilik quqyq buzý kodeksiniń 441-babynyń 1-bóligi boıynsha ákimshilik hattama toltyrylyp, árqaısysyna 3 aılyq eseptik kórsetkish mólsherinde aıyppul salyndy», - delingen resmı málimette.
Eske salsaq, 28 tamyzdan bastap Qazaqstanda jolaýshylar poıyzynda temeki shegýge tolyq tyıym salynǵan. Osy aralyqta kólik polıtseıleri tyıymǵa qulaq aspaǵan 79 adamdy jaýapqa tartqan.
