Poıyzda ishimdik iship, jolaýshylardyń mazasyn alǵan jolserik jazalandy
ARYS. QazAqparat - Kólik polıtseıleri jolaýshylar poıyzynda alkogoldi ishimdik ishken jolserikti túsirip aldy, dep habarlaıdy QazAqparat kóliktegi polıtsııa departamentine silteme jasap.
7 aqpanda Arys-2 stantsııasyndaǵy jelilik polıtsııa bólimshesine «Petropavl-Qyzylorda» baǵytyndaǵy jolaýshylar poıyzynyń brıgadıri joǵaryda atalǵan poıyzdyń jolserigi sapar barysynda qoǵamdyq tártipti buzǵanyn jáne polıtsııa qyzmetiniń qajettigi týraly ótinish aıtyp, aryzdandy.
Brıgadırdiń aıtýynsha, onyń áriptesi jumys ornynda alkogoldi ishimdik ishken, ózin durys ustamaǵan, qoǵamdyq orynda balaǵat sózder aıtqan, osylaısha qoǵamdyq tártip pen jolaýshylardyń tynyshtyǵyn buzǵan.
Tekserý barysynda kólik polıtseıleri Qyzylorda oblysynyń 26 jastaǵy turǵynyn anyqtady.
Poıyz bastyǵynyń aktisi negizinde quqyq buzýshy poıyzdan túsirildi.
Jolserik «ortasha» dárejedegi alkogoldi mas kúıde bolyp shyqty. Buny medıtsınalyq tekserýdiń qorytyndysy rastady.
Quqyqbuzýshyǵa qatysty QR ÁQBtK 440, 437 jáne 434-baby boıynsha birden úsh ákimshilik hattama toltyryldy. O ǵan 10 AEK ( 29 170 tenge) mólsherinde aıyppul salyndy.
Sondaı-aq, oǵan qatysty QR ÁQBtK 434-babynyń 1-bóligi boıynsha ákimshilik is qozǵaldy.
Túrkistan oblysy Arys aýdandyq sotynyń sheshimimen oǵan 5 AEK mólsherinde aıyppul salyndy.
