Poıyzda bosanǵan áıel nárestesin vagonnan laqtyryp jibergen
ASTANA. QazAqparat -Habarovsk ólkesi Chegdomyn aýylynyń turǵynynyń ústinen poıyzda bosanǵan balany laqtyryp jiberdi degen kúdikpen qylmystyq is qozǵaldy.
Jańa týǵan náresteniń denesi temir jol ótpesinen tabylǵan, dep habarlaıdy RIA Novostı.
«Aldyn ala aqparat boıynsha kúdikti áıeldiń Chegdomyn - Habarovsk jolaýshylar poıyzynyń dárethanasynda qyz bala bosanǵany anyqtaldy. Týa sala náresteni vagon terezesinen laqtyryp jibergen. Habarovskidegi Seryshev-Voronej kóshelerindegi temir jol ótpesinen bala denesi tabyldy», - dep jazylǵan málimdemede.
Kúdikti áıel 29 jasta, ol Chegdomyn aýylynda turady. Habarovsk qalasyna óziniń 9 jasar úlken qyzymen kele jatqan. Qıyr Shyǵys kólik polıtsııasy qyzmetkerleri 5 saǵattyń ishinde sol poıyzben Habarovskiden Chegdomynǵa qaıtqan kúdiktini ustady. Kúdiktige medıtsınalyq kómek kórsetildi, 9 jasar bala kámeletke tolmaǵandarǵa arnalǵan ońaltý ortalyǵyna jiberildi.
«Qazirgi ýaqytta RF TK Qıyr Shyǵys kólik tergeý basqarmasynyń tergeýshileri «Ananyń balasyn óltirýi» baby boıynsha qylmystyq is qozǵady.
