Poıyzben zańsyz alkogol tasyǵan Ózbekstan azamatshasy ustaldy
ASTANA. QazAqparat - Polıtsııa shekaradan zańsyz alkogol partııasyn alyp ótpek bolǵan Ózbekstan azamatshasyn ustady, dep habarlaıdy «QazAqparat» HAA QR ІІM kóliktegi ІІD baspasóz qyzmetine silteme jasap.
«Nókis-Beıneý baǵytyndaǵy poıyzben kele jatqan Ózbekstan Respýblıkasynyń azamatshasyn tekserý barysynda, onyń qol sómkesinen kólemi 0,5 lıtrlik 48 bótelke alkogol ónimi tabylǵan»,-dep jazylǵan habarlamada.
Ustalǵan azamatshanyń aıtýynsha, alkogol ónimderin ol Qazaqstanǵa satý maqsatynda Ózbekstannan ákele jatqan.
Kóliktegi polıtseıler atalǵan is boıynsha hattama toltyrdy.
