Poıyz júk kóligin soǵyp, eki adam ajal qushty
ASTANA. QazAqparat - AQSh-tyń Mensfıld qalasy aýmaǵyndaǵy (Massachýsets shtaty) temirjol ótkelinde jolaýshylar poıyzynyń júk kóligin qaǵyp ketýi saldarynan eki adam qaza tapty.
Jergilikti bıliktiń málimdeýinshe, kólik der kezinde ótkelden ótip úlgere almaǵan. Ony qatty jyldamdyqpen kele jatqan kúıi 180 jolaýshysy bar poıyz soqqan. Soqqynyń saldarynan Vashıngtonnan shyǵyp Bostonǵa baǵyt alǵan qurama relsten shyǵyp ketken.
Júk kóliginiń júrgizýshisi men qasyndaǵy jolaýshy mert boldy. Poıyzdaǵylar zardap shekken joq.
