Poıyz jolaýshysy jolserik zorlady dep aryz berdi
ASTANA. 11 tamyz. QazAqparat - «Almaty-Zaşıta» poıyzynyń jolaýshysy jolseriktiń zorlaǵandyǵy týraly aryz berdi, dep habarlady QR ІІM kóliktegi ishki ister departamentiniń baspasóz qyzmetinen.
«Aǵymdaǵy jyldyń 10 tamyzynda Zaşıta stansasynyń kóliktegi polıtsııa qyzmetkerlerine Shyǵys Qazaqstan oblysynyń turǵyny aryzdandy. 31 jastaǵy qyz 9 tamyz kúni «Almaty-Zaşıta» jolaýshylary poıyzynyń jolserigi kúsh qoldanyp, óziniń qyzmettik kýpesinde birneshe márte jynystyq qatynasqa túsýge májbúrlegendigin aıtty», - delingen habarlamada.
Qyzdyń málim etýinshe jolserik «Saryózek-Shar» aralyǵynda zorlaǵan. Shuǵyl áreket jasaǵan jelilik ishki ister bóliminiń qyzmetkerleri 25 jastaǵy Shymkent qalasynyń turǵynyn - poıyz jolserigin ustady. Saraptama taǵaıyndaldy. Eger onyń kinási anyqtalatyn bolsa, zańǵa sáıkes qatań jazalanatyn bolady.
