Poıyz jolaýshylaryn bıometrııalyq sáıkestendirý jobasy qashan iske qosylady
«Aldaǵy ýaqytta jolaýshy poıyzǵa otyratyn kezde jeke tulǵasyn sáıkestendirýden ótetin bolady. Salystyrý úshin aıta keter bolsaq, naýryz aıynda elektrondy tsıfrlyq qoltańbany onlaın qyzmeti arqyly ala bastadyq. ıAǵnı, kez kelgen azamat ózine ETsQ-ny onlaın ala alady. Tulǵany sáıkestendirýdiń dál sondaı tehnologııasy Digital ID qosymshasy arqyly da jolaýshylar tasymalynda bılet satyp alýǵa múmkindik bar. Azamat bıletti satyp alǵan kezde Digital ID qosymshasy arqyly óziniń tulǵasyn sáıkestendiredi jáne tsıfrlyq ID karta jasalady. Atalǵan kartany bılet satyp alý kezinde qoldanady»,- dedi ol.
Onyń atap ótýinshe, qazirgi ýaqytta tulǵany sáıkestendirý tehnologııasy arqyly bılet satyp alǵan jolaýshylardy tekserýdiń úsh nusqasy qarastyrylyp jatyr.
«Birinshisi, jolaýshylardyń tulǵasyn sáıkestendirý qosymshasy júktelgen smartfonnyń kómegimen jolserik tekseredi. Ekinshisi, jolaýshylardyń tulǵasyn sáıkestendiretin kameralar vokzalǵa, ıaǵnı, perronǵa shyǵatyn jerde ornatylady. Úshinshisi, mundaı kameralar vagonnyń ózinde ornatylady», - dedi Islambek Maıshekın.
Jobalyq keńse basshysynyń aıtýynsha, bastapqyda bul jobany naýryz aıynyń sońynda engizý josparlanǵan bolatyn. Alaıda elimizde tótenshe jaǵdaı rejıminiń jarııalanýyna baılanysty keıinge ysyrylǵan.
«Qazirgi ýaqytta «Qazaqstan temir joly« kompanııasy «Almaty-Atyraý« baǵytyndaǵy jeke poıyzdy bólip otyr. Onda joba 2-3 aı boıy qoldanylady. Іlki joba barysynda kemshilikteri men oń tustary anyqtalǵannan keıin ary qaraı jappaı engizý jaıyn oılastyramyz», - dedi ol.