Poıyz relske shyǵyp ketken bronetransporterdi qaǵyp ketti
ASTANA. QazAqparat - Búgin Shvetsııada Stokgolmnyń mańynda poıyz bronetransportermen soqtyǵysty. Apat jergilikti ýaqytpen 15:40-ta bolǵan.
Aurora 17 áskerı jattyǵýyna qatysqan Patria AMV brondy tehnıkasynyń qalaısha relske shyǵyp ketkeni belgisiz bolyp otyr. Al jolaýshylar poıyzy Nıýchepıngten Stokgolmge kele jatqan, dep jazady jergilikti Sodermanlands Nyheter basylymy.
Poıyzda 70-ke jýyq jolaýshy bolǵan. Tórt adam, onyń ishinde mashınıst, eki áskerı jáne bir jolaýshy jaraqattandy. Olardy tikushaqpen aýrýhanaǵa alyp ketken.
Apat ornynda qutqarýshylar jumys isteýde. Keleńsiz jaǵdaı saldarynan Nıýchepıng - Stokgolm baǵytyndaǵy barlyq qozǵalys toqtatyldy.
Aurora 2017 - ulttyq áskerı jattyǵý. Ol elde 11-29 qyrkúıek aralyǵynda ótedi. Jattyǵýǵa 19 myńnan astam shved sarbazdary qatysýda
