Poıyz bıletterine jeńildikter engizildi
ASTANA. QazAqparat - №19/20 «Atyraý-Astana», №77/78 «Almaty-Atyraý», №87/88 «Aqtóbe-Astana» jolaýshylar poıyzdarynyń «Grand», «Bıznes» sanatty vagondarynda júrýge jeńildikter engizildi. Endi mereke aldy jáne merekelik kúnderinen basqa, demalys kúnderi tarıfter jumys kúnderiniń deńgeıinde bolady. Bul týraly «Jolaýshylar tasymaly» AQ baspasóz qyzmetinen habarlady.
Bul qyzmetterdiń sapasyn arttyrý jáne jolaýshylardyń suranystaryn qanaǵattandyrý maqsatynda jasaldy. «Tulpar-Talgo» poıyzynyń «Grand» (SV) vagonynda qosymsha sanıtarlyq jelimen jáne jeke dýsh bólimi bar bes eki oryndyq kýpe bar. «Bıznes» sanatty vagondarda (jeke sanıtarlyq jelisi joq eki oryndyq) «Grand» vagondarynda sekildi jolaýshylardyń jaılylyǵy úshin otyrǵyshtardyń shyntaq taıanyshtaryna jınalmaly shaǵyn ústelder ornatyldy. Sondaı-aq, ár kýpe poıyz jolserigimen baılanystyratyn telefonmen jabdyqtalǵan», - delingen habarlamada.
