Poıyz astynda qalǵan boıjetken aıaǵynan aıyryldy - Atyraý
ATYRAÝ. QazAqparat - Atyraý oblysynda poıyz dońǵalaǵynyń astyna túsken boıjetken aıaǵynan aıyryldy, dep habarlaıdy «QazAqparat» HAA.
Qazir ol aýrýhanada jatyr.
«Qaıǵyly oqıǵa Atyraý oblysynyń Saǵyz stantsııasynda bolǵan. 19 jastaǵy boıjetken vagonǵa minip jatqan kezde, aıaǵy taıyp relske qulaıdy. Qozǵalyp jatqan quram onyń aıaǵyn basyp ketedi. Ampýtatsııa oblystyq aýrýhanada jasaldy», -dep habarlady Atyraý oblystyq aýrýhanasy travmatologııa bóliminiń meńgerýshisi Beken Qulnııazov.
Qazirgi tańda naýqastyń jaǵdaıy birqalypty.
