Poıyz apaty: Zardap shegýshige ota jasalyp jatyr
TARAZ. QazAqparat - Shýda poıyzdyń apatqa ushyraýy kezinde zardap shekken Astana turǵynyna ota jasalyp jatyr, dep habarlaıdy QazAqparat tilshisi oblystyq densaýlyq saqtaý basqarmasynyń baspasóz qyzmetine silteme jasap.
«Qazirgi tańda naýqasqa ota - oń jaq úlken jilinshik súıegine ekstramedýlıarlyq osteosıntez plastınasy jasalyp jatyp. Jaǵdaıy birqalypty», - dep naqtylady vedomstvoda.
Budan buryn 48 jastaǵy Astana turǵyny Álibı Baıjanov Shý qalalyq aýrýhanasy travmatologııa bólimine jatqyzylǵany habarlanǵan edi.
Eske sala ketsek, Astanadan Almatyǵa bara jatqan jolaýshylar poıyzy apatqa ushyraǵan bolatyn.
Sál keıin «Qazaqstan temir joly» ulttyq kompanııasy «Astana-Almaty» baǵytynda qatynaıtyn poıyzdyń apatqa ushyraýyna qatysty resmı málimdeme jasap, oqıǵanyń shyǵý sebebin tekseretin arnaıy komııssııa qurylǵanyn jarııa etken edi.
