Poıyzdar keshigýin qoıa ma — Jańa mınıstrdiń ýádesi

ASTANA. KAZINFORM — Kólik mınıstri Nurlan Saýranbaev Úkimet úıindegi baspasóz máslıhatynda keshigip keletin poıyzdarmen kúresýge ýáde berdi.

— Siz buǵan deıin «Qazaqstan temir joly» kompanııasyn basqaryp turǵan kezde de poıyzdardyń keshigýi tyıylǵan joq. Endi Kólik mınıstri retinde poıyzdardyń keshigýin toqtatamyn dep ýáde bere alasyz ba, — dep surady jýrnalıst.

Nurlan Saýranbaev ýáde bergenimen, oryndalý uzaqqa sozylatynyn eskertti. 

— Osy máselemen aınalysýǵa ýáde beremin. Biraq onyń sheshimi óte uzaqqa ketedi. Ol ınfraqurylym men ınvestıtsııaǵa baılanysty. Óıtkeni jeke menshik kompanııalarǵa jańa vagon alý úshin úlken qarajat kerek. Olar da osy máseleni sheshý kerek, — dedi mınıstr.

Eske salsaq, osydan týra bir aı buryn Nurlan Saýranbaev Kólik mınıstri bolyp taǵaıyndalǵan.