Poıyzda kúı tartqan jas dombyrashylar jolaýshylardy tańǵaldyrdy

ASTANA. KAZINFORM - №11 Almaty 2-Shymkent baǵytyndaǵy poıyzdyń №19 vagonynda jolǵa shyqqan daryndy dombyrashylar «Turan» kúıin oryndap, jolaýshylardy tańǵaldyrdy.

«Jolaýshylar tasymaly» AQ baspasóz qyzmetiniń málimetinshe, 23 aqpanda 7 jas dombyrashy muǵalimimen birge Almatydan Shymkent qalasyna jarysqa jolǵa shyqqan. 

Sapar barysynda balalar poıyzda jarysqa daıyndyq jumystaryn júrgizip, vagon jolaýshylaryna ónerlerin kórsetip, olarǵa keremet kóńil-kúı syılady.

Beınejazbany №11 poıyzdyń 19 vagonynyń jolserikteri usyndy.