Poıyzda ádepsiz áreket jasaǵan 69 jastaǵy qyzylordalyq jazalandy
QYZYLORDA. KAZINFORM – Qyzylorda qalasynyń ákimshilik quqyq buzýshylyqtar jónindegi mamandandyrylǵan sotynda Ákimshilik quqyq buzýshylyq týraly kodekstiń 434-babynyń 1-bóligi boıynsha is qaraldy.
Іs materıaldarynda kórsetilgendeı, 69 jastaǵy er adam jolaýshylar poıyzynda túnde janyndaǵy jábirlenýshige qarap jatyp ádepsiz qylyqtar jasaǵan. Tıisip, qoǵamdyq tártip pen jeke tulǵanyń tynyshtyǵyn buzǵan.
- Sotta quqyq buzýshy osy jasaǵan áreketterin moıyndaǵan. Osylaısha quqyq buzýshynyń áreketi jábirlenýshiniń ishki ister organdaryna bergen aryzymen, jazbasha kórsetýimen, kóliktegi polıtsııa bólimi qyzmetkeriniń baıanatymen, ákimshilik quqyq buzýshylyq týraly hattamasymen dáleldengen. Sot jaza qoldanýda onyń egde jasta ekenin eskerdi. Ákimshilik quqyq buzýshylyq týraly kodeksiniń 434-babynyń 1-bóligimen 86500 teńge mólsherinde aıyppul salyndy, - delingen habarlamada.
Sot qaýlysy zańdy kúshine enbegen.
Buǵan deıin TikTok-taǵy tikeleı efırde beıádep sóz aıtqan qyzylordalyq boıjetken jazalandy.
