Poıyzben jolaýshy tasymalyn sýbsıdııalaýǵa 52,2 mlrd teńge bólinedi – Úkimet
2024 jyly áleýmettik mańyzy bar baǵyttarda temir jolmen jolaýshylar tasymalyn sýbsıdııalaýǵa 52,2 mlrd teńge maquldandy. Bul jaıynda Májilis depýtattarynyń saýalyna Premer-Mınıstr Álıhan Smaıylovtyń jaýabynda aıtylǵan, dep habarlaıdy Kazinform.
«Sońǵy 5 jylda áleýmettik mańyzy bar baǵyttar boıynsha júretin jolaýshylar poıyzdaryna bıletterdiń quny ınflıatsııa paıyzyna ǵana ósti. Búgingi tańda 62 áleýmettik mańyzy bar jolaýshylar qatynasy sýbsıdııalanady. Tasymaldaýdy 12 kompanııa júzege asyrady. Bıyl áleýmettik mańyzy bar qatynastar boıynsha jolaýshylar tasymaldaýdy júzege asyratyn tasymaldaýshylardy sýbsıdııalaýǵa 43,8 mlrd teńge bólindi. 2024 jylǵa 52,2 mlrd teńge maquldandy», – dedi Úkimet basshysy jaýabynda.
Atap ótilgendeı, magıstraldyq temirjol jelisiniń qyzmetterine, lokomotıv tartý qyzmetterine, áleýmettik mańyzy bar qatynastar boıynsha jolaýshylardy tasymaldaý kezinde tartylǵan vagondardy ustaý jáne vokzal sharýashylyǵynyń qyzmetterine jumsalatyn shyǵystar sýbsıdııalaýǵa jatady. Sondaı-aq sýbsıdııalaý baǵdarlamasy sharttarynyń - biri temirjol bıletteri baǵasynyń ósýine jol bermeý.
«Sonymen qatar Qazaqstan aýmaǵynda jedel tasymaldaýshy retinde uıymdastyrylǵan Talgo vagondarynan qurylǵan kommertsııalyq poıyzdar (4 marshrýt) júredi. Qyzmettiń bul túri 2014 jyly uıymdastyrylǵan. Onda memleket sýbsıdııalamaıtyn (kommertsııalyq) jolaýshylar tasymaldaýshylarynyń qyzmetteriniń baǵasy suranys pen usynystyń naryqtyq tetigi negizinde erkin qalyptasady.
Qyzmet bastalǵan sátten bastap kórsetilgen poıyzdarǵa kiristi basqarý júıesi qoldanylady. ıAǵnı tarıfter bıletterdi satyp alý merzimine jáne jol júrý qunynyń ózgerýin eskere otyryp, tasymaldaýǵa suranysqa baılanysty qalyptastyrylady jáne halyqtyń tasymaldaýǵa suranysynyń artýy/tómendeýi kezinde kommertsııalyq marshrýttar boıynsha jol júrý qunyna túzetý júrgiziledi.
www.bilet.railways.kz saıtynda jol júrý bıletterin satyp alý kezinde komıssııalyq alym 0 teńgeni quraıdy. Al bógde agenttik kassalardan satyp alynǵan jaǵdaıda komıssııalyq alymnyń quny 200 teńgeden bastalady», – dedi Álıhan Smaıylov.
