Poıyz qozǵalysyn basqarýǵa ınnovatsııalyq tehnologııalar engizilmek
ASTANA. KAZINFORM – Kólik mınıstrligi elimizdiń jyljymaly quram parkiniń jetispeýshiligin sheshý úshin qabyldanatyn sharalardy atady.
«Jyljymaly quram parkiniń jetispeýshiligi máselesi kóptegen elderdegi, onyń ishinde Qazaqstandaǵy temirjol kóliginiń negizgi problemalarynyń biri sanalady. Poıyzdar men lokomotıvterdiń jetkiliksizdigi olardyń keshigýine, poıyzdardyń shamadan tys júktelýine, qyzmet kórsetý sapasynyń nasharlaýyna jáne basqa da saldarǵa ákelýi múmkin», - dep atap ótedi mınıstrlik agenttiktiń resmı saýalyna bergen jaýabynda.
Osyǵan oraı vedomstvo jyljymaly quram parkiniń jetispeýshiligin sheshý úshin kelesi sharalardy qabyldaýdy josparlap otyr:
- Jańa jyljymaly quram satyp alý: jańa poıyzdar men lokomotıvterdi jańartý temir jol ınfraqurylymynyń ótkizý qabiletin arttyrýǵa jáne poıyzdardyń senimdi ári jaıly qozǵalysyn qamtamasyz etýge septigin tıgizedi.
- Qoldanystaǵy parkti jóndeý jáne olarǵa tehnıkalyq qyzmet kórsetý: qoldanystaǵy poıyzdar men lokomotıvterge ýaqytyly tehnıkalyq qyzmet kórsetý jáne jóndeý olardyń qyzmet etý merzimin uzartýǵa jáne paıdalaný tıimdiligin arttyrýǵa múmkindik beredi.
- Poıyzdardyń júrý kestesin ońtaılandyrý: tıimdirek jáne ońtaıly poıyz kestelerin ázirleý keptelisti azaıtýǵa jáne josparlaýdy jaqsartýǵa kómektesedi.
- Jeke kompanııalarmen yntymaqtastyq: temirjol ınfraqurylymyn damytý jáne jyljymaly quram parkin jańartý úshin jeke ınvestıtsııalardy tartý jáne jeke kompanııalarmen seriktestik qurý.
- Innovatsııalyq tehnologııalardy engizý: poıyzdardyń qozǵalysyn basqarý júıeleri sııaqty zamanaýı tehnologııalardy qoldaný arqyly jumys isteý protsesterin ońtaılandyrýǵa jáne qyzmet kórsetý sapasyn jaqsartýǵa kómektesedi.
