Poıyz ben ushaq bıletiniń baǵasy ózgeredi

ASTANA. KAZINFORM — Premer-mınıstrdiń birinshi orynbasary Roman Sklıar Úkimet úıindegi baspasóz máslıhatynda poıyz ben ushaq bıleti qymbattaıtynyn aıtty.

— Bul ósim eleýli bolmaıdy. Óıtkeni qosylǵan qun salyǵynyń bir bóligi esepke alynady. Sondyqtan biz munda kúrt ósetinin kórip otyrǵan joqpyz. Al naqty kólik qyzmetteri tarıfine kelsek, meniń oıymsha, siz qazir baǵany túsirip jatqan bir de bir eldi aıta almaısyz, — dedi Roman Sklıar. 

Aıtýynsha, bul jolǵy qybattaý kólik satyp alý qunynyń ósýimen de baılanysty.

— Avıatsııaǵa kelsek, sol Airbus A320 ushaǵynyń quny 10 jyl buryn 50 mıllıon dollar bolsa, qazir 70 mıllıon dollardan asatynyn túsiný kerek. Qosalqy bólshekterdiń quny qymbattady, áýe kerosıni qymbattady. Bul temirjol men avtomobıl kóligine de qatysty, — dep túsindirdi vıtse-premer.

Buǵan deıin Astana — Býrabaı baǵytynda taǵy bir qosymsha elektr poıyzy qatynaıtyny málime boldy.