Povetkın men Klıchko arasyndaǵy salmaq aıyrmashylyǵy 7 keliden asady
ASTANA. 5 qazan. QazAqparat - Ýkraınalyq eń aýyr salmaqtaǵy boksshy Vladımır Klıchko óziniń qarsylasy reseılik Aleksandr Povetkınnen salmaǵy 7,2 kelige aýyr bolyp shyqty, dep habarlaıdy ROSBALT. Kezdesý aldynda Máskeýde ótken resmı túrde salmaq ólsheý barysynda Klıchkonyń salmaǵy 109,6 kelini kórsetse, Aleksandr Povetkınniń salmaǵy 102,4 keli bolǵan.
Sharaǵa sonymen qatar, ortasha jáne jartylaı ortasha salmaqtaǵy bokstan álemniń birneshe dúrkin chempıony Zab Djýda, Vıtalıı Klıchkonyń burynǵy qarsylasy brıtandyq Derek Chısora, sondaı-aq, 1968 jylǵy olımpıada chempıony jáne birneshe dúrkin álem chempıony Djordj Forman qatysty
Eske sala keteıik, 1996 jylǵy olımpıada chempıony jáne birneshe dúrkin álem chempıony Vladımır Klıchko men 2004 jylǵy Olımpıadanyń trıýmfatory, álem chempıony Aleksandr Povetkın arasyndaǵy kezdesý Máskeýde 5 qazan kúni «Olımpııskıı» sport kesheninde ótedi. Kishi Klıchkonyń esebinde 63 kezdesýden 60 júlde bar, Povetkın ózi qatysqan barlyq 26 matchtyń jeńimpazy.
