Potosı qalasy Búkilálemdik qaýip tóngen muralar tizimine engizildi

ASTANA. QazAqparat - Dohadaǵy (Katar) Búkilálemdik muralar komıtetiniń otyrysy barysynda Potosı qalasyn (Kópultty Bolıvııa memleketi) Búkilálemdik qaýip tóngen muralar tizimine engizý týraly sheshim qabyldandy, dep habarlandy ıÝNESKO-nyń baspasóz baıanynda.

Serro-Rıko taýynyń eteginde paıdaly qazbalardy úzdiksiz jáne baqylaýsyz óndirý saldarynan qalanyń jaǵdaıy eleýli nasharlaı túsip otyr.

XVI ǵasyrda Potosı álemdegi iri ónerkásip kesheni sanaldy. Kúmis rýdasyn óndirý birqatar gıdravlıkalyq jel dıirmeni arqyly atqaryldy. Munda Serro-Rıko ónerkásip eskertkishteri bar, onda sýmen jabdyqtaý kúrdeli avkedýkter jáne jasandy kólder arqyly qamtamasyz etilgen, sondaı-aq kolonıaldyq qala jáne Kasa-de-la-Moneda shaqa saraıy, San-Lorentso shirkeýi, patrıtsıılerdiń birneshe úıleri, jumysshylar ómir súrgen úı-jaılar bar.

Komıtet óz sheshiminde tarıhı nysannyń qazba baılyqtardy óndirý jumystarynyń saldarynan quryp bara jatqanyn, qorǵaýdyń jetkiliksizdigin, qorǵaý zańnamasynyń tıimsiz oryndalýyn, gıdravlıkalyq keshenniń qorshaǵan ortaǵa yqpalyn jáne qalanyń tarıhı mańyzyn atap ótti.

Potosı qalasy ıÝNESKO-nyń Búkilálemdik muralar tizimine 1987 jyly alynǵan bolatyn.

Búkilálemdik muralar komıtetiniń 38-shi sessııasy 15 maýsymda sheıh Ál Maıas bınt Hamad bın Halıfa Ál Tanıdiń tóraǵalyǵymen ashyldy jáne 25 maýsymǵa deıin jalǵasady.