Postsekýlıarlyq dáýirde din qaıtadan qoǵamdyq jáne saıası ómirdiń mańyzdy faktoryna aınalady — Prezıdent
ASTANA. KAZINFORM — Postsekýlıarlyq dáýirde din qaıtadan qoǵamdyq jáne saıası ómirdiń mańyzdy faktoryna aınalady. Bul týraly Álemdik jáne dástúrli dinder kóshbasshylary VIII Seziniń jalpy otyrysynda Memleket basshysy Qasym-Jomart Toqaev aıtty.
Prezıdent barlyq negizgi dinı dástúrler meıirimdilik, ádildik, jaqynyńa janashyrlyq, beıbitsúıgish qasıet sekildi jalpy gýmanıstik qundylyqtardy dáripteıtinine nazar aýdaryp, Qazaqstannyń osy ustanymǵa beıil ekenin atap ótti. Sondyqtan elimiz zorlyq-zombylyqty, ekstremızmdi jáne óshpendilikti aqtap alý úshin dindi paıdalanýǵa úzildi-kesildi qarsy dep málimdedi.
— Búginde kóptegen oıshyldar postsekýlıarlyq dáýirdiń bastalǵanyn jıi aıtady. ıAǵnı mundaı kezeńde din qaıtadan qoǵamdyq jáne saıası ómirdiń mańyzdy faktoryna aınalady. Bizdiń Sezd zamana kóshinen qalmaýǵa tyrysady. Sondyqtan din ókilderiniń dıalogyn ǵalymdar men sarapshylar qaýymdastyǵymen kúsheıtemiz. Rýhanı danalyq pen sarapshylar biliminiń sıntezi jahandyq jáne óńirlik deńgeıdegi ózekti problemalardyń tıimdi sheshimin tabýǵa jol ashýy múmkin, — dedi Qasym-Jomart Toqaev.
Astanada Álemdik dinder kóshbasshylarynyń sezi ótip jatyr.
Іs-shara barysynda Qasym-Jomart Toqaev din basshylaryn beıbitshilik elshileri dep atady.