Postkeńestik keńistikte alǵash ret jýrnalısterdiń «Óz kásibiniń úzdigi» halyqaralyq konkýrsy ótedi
ALMATY. 28 qańtar. QazAqparat /Sara Mustafına/ - Postkeńestik keńistikte alǵash ret jýrnalısterdiń «Óz kásibiniń úzdigi» halyqaralyq konkýrsy ótkizilýde.
Sharany Jýrnalıster odaqtarynyń halyqaralyq konfederatsııasy uıymdastyryp otyr. Bul týraly QazAqparatqa osy uıymnyń bas hatshysy, konkýrstyń uıymdastyrý komıtetiniń múshesi Ashot Djazoıan habarlady.
Konkýrstyń maqsaty - eýrazııalyq jýrnalıstıkanyń túrli baǵytynda jumys isteıtin úzdik kásibılerdi anyqtaý, al konkýrstyń taqyryby - «Men osylaı ómir súremin». «Úzdik telesıýjet», «Úzdik radıoreportaj», «Baspasóz betterindegi úzdik maqala», «Internet-basylymdaǵy úzdik maqala», «Úzdik fotojumys» atalymdary boıynsha úzdik jýrnalısterdi anyqtaıtyn konkýrstyń júldelik qory 500 myń rýblge jetedi.
Konkýrsqa materıaldar aǵymdaǵy jyldyń 10 aqpanyna deıin qabyldanady. Odan keıin qazylar alqasy konkýrstyń qorytyndysyn shyǵaryp, jeńimpazdardy anyqtaıdy. Naýryz aıynda jeńimpazdardy marapattaý rásimi ótedi.
Konkýrstyń sharttary eurasia-media.ru saıtynda jarııalanyp otyr.
