Poshtashylar 2,5 myń tal ekti
ASTANA. QazAqparat - Poshta kúnine Qazposhta qyzmetkerleri elimiz boıynsha 2 500 tal otyrǵyzdy, dep habarlaıdy QazAqpart tilshisi.
Qazposhtanyń baspasóz qyzmeti habarlaǵandaı, búkilálemdik poshta kúnine jáne táýelsiz Qazaqstannyń poshtasyna 25 jyl tolýyna oraı kompanııa qyzmetkerleri búkil elimiz boıynsha jańa alleıaǵa aǵash otyrǵyzdy.
«Búgin biz ár qalanyń turǵyndaryna arnap, mamyrgúl, qaıyń, úıeńki aǵash túrlerin otyrǵyzyp, alleıalardy syıǵa tartý arqyly, elimizdi kógaldandyrýǵa óz úlesimizdi qosaıyq dep sheshtik. Budan bólek bizdiń ujym elimizdegi qoǵamdyq is-sharalarǵa belsene aralasady, atap aıtqanda marafondar men senbilikterge qatysady, sol sııaqty qaıyrymdylyq sharalary men tegin oqytýmen de aınalasady», - dedi «Qazposhta» AQ basqarma tóraǵasy Sáken Sársenov.
Aıta ketsek, búginde kompanııa jylyna 80 mln-ǵa jýyq klıentke qyzmet kórsetedi, Astana, Qaraǵandy, Almaty, Aqtóbe qalalarynda 6 tsıfrlyq keńse ashty, poshta baılanysynyń 200 bólimshesin jańartyp jáne 195 sálemdeme sýpermarketin ashty. Odan bólek hat-habar Almaty, Qaraǵandy, Jambyl, Túrkistan oblystaryndaǵy shalǵaıda ornalasqan, joly qıyn 30 eldimekenge dron arqyly jetkiziledi.
Buǵan deıin habarlaǵanymyzdaı, búgin Qazaqstan poshtasynyń 25 jyldyǵyna arnalǵan mereıtoılyq markalar aınalymǵa shyqty. Jańa markanyń saltanatty tusaýkeser rásimine qatysqan QR Aqparat jáne kommýnıkatsııalar mınıstri Dáýren Abaev poshta qyzmetkerlerin tól merekelerimen quttyqtaǵan bolatyn.
