Poshtada jarylǵysh zat salynǵan hat zalalsyzdandyryldy
ASTANA. QazAqparat - Soltústik Irlandııada poshtada jarylǵysh qurylǵy ornatylǵan hattyń aldyn oraý múmkin boldy, dep habarlaıdy jergilikti polıtsııa.
Jarylǵysh zat Londonderrı qalasynda robottyń kómegimen anyqtaldy. Soltústik Irlandııanyń ádilet mınıstri Devıd Fordtyń aıtýynsha, atalǵan hatqa ornatylǵan qondyrǵy adamdardyń ómirine aıtarlyqtaı qaýip tóndirgen.
Ázirge, bul teraktilik áreketke qandaı uıymnyń qatysy bary belgisiz. Alaıda polıtsııanyń kúdigine Soltústik Irlandııadaǵy beıbit úderiske qarsy shyǵyp otyrǵan ultshyl-respýblıkashyldar iligip otyr.
Esterińizge sala keteıik, ótken jylǵy qazan aıynda Soltústik Irlandııa úkimeti ornalasqan Belfastegi Stormont qamalynan adamdar jappaı kóshirilgen edi. Mundaı qadamǵa barýǵa rezıdentsııada Soltústik Irlandııa isteri boıynsha brıtanııalyq mınıstri Tereza Vıllerske arnalǵan hattan jarylǵysh qurylǵynyń tabylýy sebep boldy, dep jazady Rosbalt.
