Poshta jáne kýrerlik qyzmetterdiń eń kóp kólemi Almatyda tirkeldi
ASTANA. KAZINFORM – 2026 jylǵy qańtar-tamyzda Qazaqstanda kórsetilgen poshta jáne kýrerlik qyzmetterdiń kólemi 57,2 mlrd teńge bolyp, 2025 jyldyń sáıkes kezeńimen salystyrǵanda 1,1%-ǵa ósti.
Onyń ishinde 13,4 mlrd teńge halyqqa kórsetilgen qyzmetterge tıesili.
Óńirler bólinisinde poshta jáne kýrerlik qyzmetter kóleminiń eń joǵary úlesi Almaty qalasyna — 58,7%, Astana qalasyna — 13,2% jáne Qaraǵandy oblysyna — 3,2% tıesili.
Aýyldyq jerlerde esepti merzimde kórsetilgen qyzmetterdiń kólemi 2,0 mlrd teńge.
Poshta jáne kýrerlik qyzmetterdiń eń joǵary kólemi Almaty qalasynda tirkeldi — 33,6 mlrd teńge. Odan keıin Astana qalasy — 7,6 mlrd teńge jáne Qaraǵandy oblysy — 1,8 mlrd teńge.
Poshta jáne kýrerlik qyzmetterdiń negizgi túrlerine poshta jáne arnaıy jóneltilimderdi, onyń ishinde sálemdemelerdi, banderolderdi jáne hat-habarlardy qabyldaý, óńdeý, tasymaldaý jáne jetkizý, sondaı-aq kýrerlik jetkizý qyzmetteri jatady.
Aıta ketelik aýyldyq poshta qyzmetin sýbsıdııalaýǵa 500 mln teńge bólinetini týraly jazǵan edik.
