Poshta men logıstıkany jetkizý boıynsha álemdegi iri kompanııa kıbershabýylǵa tap boldy
ASTANA. QazAqparat - Poshta men logıstıkany jetkizý boıynsha amerıkandyq Atlanta qalasynyń (Djordjııa shtaty) álemdegi iri UPS kompanııasy kıberqylmyskerlerdiń shabýylyna tap boldy.
Fırmanyń resmı ókilderi habarlaǵandaı, boljam boıynsha 100 myń tranzaktsııa týraly derekterge qol jetkizilgen.
Kıberqylmyskerler aǵymdaǵy jyldyń 20 qańtarynan 11 tamyzǵa deıin kompanııanyń qyzmetin paıdalanǵan klıentteriniń bank kartalary jáne elektrondyq meken-jaılary týraly aqparatty alýy múmkin.
Bul málimetterdiń bolýy olardyń azamattardyń bank shottaryna zańsyz qol jetkizýin jeńildetedi. Hakerler paıdalanǵan zııandy baǵdarlamalar UPS kompanııasynyń 51 bólimindegi kompıýterlerden tabyldy. Ol 24 amerıkandyq shtatta ornalasqan.
Kompanııa bul vırýsty qazir paıdalanyp júrgen antıvırýstar emdeı almaıtynyn habarlady.
Qazir bul másele sheshildi. UPS mamandary aqparatty saqtaý úshin qosymsha qaýipsizdik sharalaryn qolǵa aldy. Kompanııaǵa alaıaqtyq nemese ózge de zańbuzýshylyq áreketter oryn alǵany týraly aqparat túsken joq.
