Poshta qyzmetkeriniń «kýng-fý óneri» jurt nazaryn aýdartty

ASTANA. QazAqparat - Qytaıda poshta qyzmetkeriniń sálemdeme qorabyn óte jyldam orap bergeni týraly vıdeo ǵalamtorda kóp qaralýda. Youtube vıdeohostınginde ornalastyrylǵan qysqa rolık BAQ jáne áleýmettik jeli paıdalanýshylarynyń qyzyǵýshylyǵyn týdyrǵan, dep habarlaıdy newsru.com saıty.

Qytaı basylymdary «kýng-fýshy poshta qyzmetkerdiń óneri keremet» dep jazsa, bireýler ony «Kýng-fý panda» mýltfılm keıipkerimen de salystyrǵan.

Esterińizge sala ketsek, kýng-fý nemese ý-shý sekildi jaýyngerlik óner qytaı tilinde «sheberlik» degen maǵyna beredi. Ony aspapty jyldam oınaıtyn sazger, qoly qolyna juqpaıtyn ismerlerge de qaratyp aıta beredi.