Poshta qyzmeti zamanaýı talaptarǵa saı qyzmet kórsetetin bolady
ASTANA. QazAqparat - Búgin Senattyń Ekonomıkalyq saıasat, ınnovatsııalyq damý jáne kásipkerlik komıtetinde «Poshta týraly» zań jobasy talqylandy.
Zań jobasynyń basty maqsaty - poshta operatorlarynyń qyzmetin zamanaýı talaptar men halyqaralyq standarttarǵa saı quqyqtyq qamtamasyz etý. Sonymen qatar, qoldanystaǵy normalardyń tetikteri jetildirilip, poshta qyzmetiniń sapasyn kóterý jáne tıimdiligin arttyrý kózdelip otyr.
Investıtsııalar jáne damý vıtse-mınıstri Sáken Sársenovtyń aıtýynsha, qoldanystaǵy «Poshta týraly» zań 2003 jly qabyldanǵan bolatyn. «Sodan beri 13 jyl ótti, osy ýaqyt aralyǵynda poshta baılanysy salasynda qyzmetter kórsetý tehnologııalarynda aıtarlyqtaı ózgerister oryn aldy. Sondyqtan da, zań jobasyndaǵy normalar poshta salasyndaǵy kórsetiletin qyzmetterdiń sapasyn da tıimdiligin de arttyrýdy qarastyrady», - dedi vıtse-mınıstr Sáken Sársenov.
Tutastaı alǵanda, zań jobasy aıasynda salalyq operatorǵa poshta qyzmetterimen qosa qarjylyq qyzmetter, sonyń ishinde banktik operatsııalar, kóliktik jáne agenttik qyzmetteri sekildi salalardy qamtý qarastyrylady. Budan bólek, kommertsııalyq jobalardy júzege asyrý boıynsha Ulttyq operatordyń quzyreti keńeıtiledi. Bul rette kommertsııalyq qyzmetten túsken qarajattar poshta qyzmetiniń aýyldyq eldi mekenderindegi bólimshelerdi jańǵyrtýǵa, aýyldaǵy poshtashylardyń jalaqysyn arttyrýǵa jumsalatyn bolady.
Budan bólek, jańa poshtalyq ındeksterdi engizý kózdeledi. Ol boıynsha jańa ındekster poshta operatorlaryna qarasty óndiristik emes nysandardan basqa, barlyq turǵyn jáne turǵyn emes ǵımarattarǵa beriletin bolady. Zań jobasy aldaǵy ýaqytta ótetin palatanyń jalpy otyrysyna shyǵarylady.
