Poshta qyzmeti salasyndaǵy kásiporyndardyń kirisi 12,3 mlrd. teńgeni qurady - Indýstrııa jáne jańa tehnologııalar mınıstrliginiń basqarma bastyǵy
ALMATY. Naýryzdyń 20-sy. QazAqparat /Erlik Erjanuly/ - Poshta qyzmeti salasyndaǵy kásiporyndardyń kirisi 2014 jylǵa deıin 12,3-ten 28 mıllıard teńgege ulǵaıady.
Bul týraly keshe Almatyda ótip jatqan «Software Engineering Summit-2010 Qazaqstan» forýmynda aıtyldy, dep habarlaıdy QazAqparat.
«Poshta qyzmeti salasyndaǵy kásiporyndardyń kirisi 2010-2014 jyldary jyl saıyn 15 paıyzǵa artady. Oǵan ekonomıkalyq ósim túrtki bolady. Ondaǵy negizgi jetkizýshiler poshta qyzmetinde - Qazposhta, kýrerlik qyzmette - Qazposhta, DHL, UPS jáne basqalar, 10 keliden asatyn iri kólemdegi tasymalda - Pony, DHL, QTJ, Qazposhta, merzimdi basylymdarda jetkizýde - Qazposhta, Qazpress, Eýrazııa jáne basqalar», deıdi Indýstrııa jáne jańa tehnologııalar mınıstrliginiń Damýshy salalar departamentiniń joǵary tehnologııa salasy basqarmasynyń bastyǵy Baqytjan Bıtemirov. Onyń aıtýynsha, ósimdegi kedergi poshta qyzmetinde aýyldaǵy poshtanyń shyǵyndylyǵy bolsa, ózge qyzmet túrlerinde ekonomıkanyń jaǵdaıy bolyp otyr.
