Portýgalııanyń Mádenıet mınıstri Feısbýktegi jazbasyna bola jumysynan ketti
ASTANA. QazAqparat - Portýgalııanyń Mádenıet mınıstri Joaý Soaresh Feısbýk áleýmettik jelisindegi pikirine bola týyndaǵan daýǵa baılanysty otstavkaǵa ketti, dep habarlaıdy Bı-Bı-Sı agenttigi.
7 sáýirdegi jazbada (portýgal tilinde - avtor eskert.) mınıstr eki jýrnalıstiń ózine aıtqandary qorlady dep sanap olardy «sabasyna túsiretin shapalaq» berýge ýáde etken.
Mınıstrdiń shamyna tıgen jazbanyń biri Público gazetine maqala bolyp shyqty, onda avtor Soareshty óz quzyretine saı emes, ári dórekilik tanytty dep aıyptady.
Turǵyndar onyń aıtqan sózderin shamadan tys dep qabyldap, oǵan narazylar kóbeıdi.
Soaresh ózine aıyptaýlarǵa qarsy jaýap berýge quqyǵy bar ekendigin málimdegen bolatyn. Alaıda eldiń premer-mınıstri Antonıý Koshty kópshilik aldynda onyń jazbasyna qatysty syn aıtqan soń otstavkaǵa ketý týraly sheshim qabyldady.
