Portýgalııanyń eks-premeri BUU Bas hatshysy atanýǵa basty úmitker boldy
ASTANA. QazAqparat - Portýgalııanyń eks-premeri Antonıý Gýterrısh Qaýipsizdik keńesiniń veto qoıýǵa quqyǵy bar 5 turaqty múshesiniń eshbiri onyń kandıdatýrasyna qarsy daýys bermegennen keıin BUU-nyń bas hatshysy bolýǵa basty úmitkerge aınaldy.
Bul týraly uıymnyń saıtynda habarlandy.
Aıta keteıik, BUU-nyń jańa bas hatshysyn saılaý beısenbi, 6 qazan kúni saǵat 10.00-de (Astana ýaqytymen 20.00) ótedi.
BUU qurylǵan 70 jyldyń ishinde uıymdy segiz Bas hatshy basqardy. Jańa saılanatyn Bas hatshy óz mindetine 2017 jyldyń qańtarynda kirisedi. Onyń ókilettik merzimi - bes jyl. Bul merzim BUU-ǵa múshe memleketterdiń usynysymen taǵy bir besjyldyqqa uzartylýy múmkin.
