Portýgalııalyq mınıstr jalǵan dıplomy úshin jumystan bosatyldy
ASTANA. 6 sáýir. QazAqparat - Portýgalııanyń parlamentpen baılanys boıynsha mınıstri Mıgel Relvash otstavkaǵa ketýi jóninde ótinish berdi.
«Portýgalııa premeri kabınetindegi negizgi mınıstrlerdiń biri komıssııanyń qorytyndysy boıynsha onyń ýnıversıtettik dıplomynyń zańdy emes ekeni anyqtalǵannan soń óziniń laýazymyn bosatýǵa májbúr boldy»,-dep jazady RBK.
Taratylǵan málimetterge qaraǵanda, alty jyl buryn M. Relvash lıssabondyq ýnıversıtette 1 jyl oqyp, saıasattaný boıynsha ǵylymı dáreje alǵan kórinedi. Ol dıplom alý úshin óziniń qyzmettik jaǵdaıyn paıdalanbaǵanyn alǵa tartýda.
Jergilikti BAQ-tardyń jazýynsha, saıasatkerdiń osy joly qyzmetten ketýi jaqynda barsha kabınettiń ostavkasy bolatynyn meńzeıdi. Elde turaqsyz saıası ahýal baıqalýda. Halyqtyń úkimetke degen seniminiń deńgeıi aıtarlyqtaı joǵary emes.
