Portýgalııalyq fýtbolshy «Benfıka» men «Sportıng» qyzyqqan qaqpashynyń artyqshylyqtaryn atady
ASTANA. KAZINFORM – Elordalyq «Jeńis» fýtbol klýbynyń burynǵy oıynshysy, portýgalııalyq legıoner Jýan Olıveıra Qazaqstan quramasynyń qaqpashysy Temirlan Anarbekovke Lıssabon klýbtarynyń qyzyǵýshylyq tanytýy týraly pikir bildirdi. Ol Portýgalııa chempıonatynda Temirlannyń ózin kórsetý múmkindigin baǵalady.
Asnews.kz sporttyq portalyna suhbat bergen Jýan Olıveıra 20 jasynda senimdi oıynymen, úzdik seıfterimen kózge túsken qaqpashynyń az ýaqyttyń ishinde negizgi quram oıynshysyna aınalǵanyn erekshe atap ótti. Ol Anarbekovtiń áli de ózin jaqsy qyrynan kórsetetinine, qazirdiń ózinde almatylyq komandamen chempıon atanyp, Chempıondar lıgasynda mamandardyń joǵary baǵasyn alǵanyn aıtty.
Sonymen qatar portýgalııalyq fýtbolshy «Benfıka» men «Sportıng» klýbtarynyń deńgeıine jetý oǵan ońaıǵa túspeıtinin, alaıda Temirlannyń Portýgalııa chempıonatyna tez beıimdelip, bapkerlik quramnyń talaptaryna tolyq saı kele alatyn oıynshy ekenin jetkizdi.
Esterińizge sala keteıik, buǵan deıin «Sportıng» pen «Benfıka» Temirlan Anarbekovke qyzyǵýshylyq tanytyp otyrǵany habarlanǵan bolatyn.
Aıta keteıik, Jýan Olıveıra Qazaqstan Premer-lıgasynyń 2024 jylǵy maýsymda «Jeńis» komandasynda 13 oıynǵa qatysty. Ol Qazaqstanǵa kelgenge deıin Portýgalııa men Polsha chempıonattarynda dop tepken.
